பெண்களுக்கு அரசு வழங்கும் இலவச தையல் இயந்திரம்! விண்ணப்பிப்பது எப்படி? Government Free Sewing Machine Scheme 2026

Government Free Sewing Machine Scheme 2026: “வீட்டில் சும்மாதானே இருக்கிறோம், ஏதாவது வருமானம் வந்தால் குடும்பத்திற்கு உதவியாக இருக்குமே” என்று நினைக்கும் இல்லத்தரசியா நீங்கள்? அல்லது வாழ்வில் முன்னேற தையல் தொழில் தெரிந்தும், சொந்தமாக ஒரு மெஷின் வாங்க கையில் காசு இல்லாமல் சிரமப்படுகிறீர்களா?

உங்கள் கனவை நினைவாக்க  மத்திய அரசு ஒரு அற்புதமான திட்டத்தைச் செயல்படுத்தி வருகிறது. பெண்களின் சுயதொழில் கனவை நனவாக்கும் வகையில், பிரதமரின் விஸ்வகர்மா திட்டத்தின் (PM Vishwakarma Yojana) கீழ், இலவசமாகத் தையல் இயந்திரம் வழங்கப்படுகிறது.

அதுமட்டுமின்றி, மெஷின் வாங்கக் கையில் பணமும், தினமும் உதவித்தொகையும் வழங்கப்படுகிறது. இந்தத் திட்டத்தில் எப்படிச் சேர்வது? யாரெல்லாம் தகுதியானவர்கள்? என்பதை இங்கே விரிவாகக் காண்போம்.

திட்டத்தின் சிறப்பம்சங்கள் (Scheme Benefits)

இந்தத் திட்டம் தையல் வேலை செய்யும் பெண்களுக்கு ஒரு வரப்பிரசாதம் என்றே சொல்லலாம். இதில் கிடைக்கும் நன்மைகள் ஏராளம்:

1. ரூ.15,000 உதவித்தொகை: தையல் இயந்திரம் வாங்குவதற்கு (Tool Kit Incentive) மத்திய அரசு ரூ.15,000 மதிப்பிலான இ-வவுச்சர் அல்லது பணத்தை வழங்குகிறது. இதை வைத்து நீங்கள் உங்களுக்குப் பிடித்தமான தையல் மெஷினை வாங்கிக்கொள்ளலாம்.

2. இலவசப் பயிற்சி: தையல் தெரியாதவர்களுக்கும், அல்லது இன்னும் நுணுக்கங்களைக் கற்றுக்கொள்ள விரும்புபவர்களுக்கும் 5 முதல் 15 நாட்கள் வரை இலவசமாகத் திறன் மேம்பாட்டுப் பயிற்சி (Skill Training) அளிக்கப்படுகிறது.

3. தினமும் ரூ.500: சும்மா பயிற்சி மட்டுமல்ல! நீங்கள் பயிற்சிக்குச் செல்லும் ஒவ்வொரு நாளுக்கும், போக்குவரத்து மற்றும் உணவுச் செலவுக்காகத் தினமும் ரூ.500 உதவித்தொகை (Stipend) உங்கள் வங்கிக் கணக்கில் வரவு வைக்கப்படும்.

4. கடன் வசதி: தொழிலை விரிவுபடுத்த நினைத்தால், மிகக் குறைந்த வட்டியில் (5%) ரூ.1 லட்சம் வரை பிணையம் இல்லாத கடன் (Collateral Free Loan) கிடைக்கும். இதைச் சரியாகத் திருப்பிச் செலுத்தினால், அடுத்து ரூ.2 லட்சம் வரை கடன் பெறலாம்.

யாரெல்லாம் விண்ணப்பிக்கலாம்? (Eligibility Criteria)

இந்தத் திட்டத்தில் பயன்பெறச் சில அடிப்படைத் தகுதிகள் உள்ளன:

• வயது: விண்ணப்பதாரர் 18 வயது பூர்த்தியடைந்தவராக இருக்க வேண்டும்.

• தொழில்: பாரம்பரியமாகத் தையல் தொழில் செய்பவர்கள் அல்லது தையல் ஆர்வம் உள்ளவர்கள் விண்ணப்பிக்கலாம். (பெண்கள் மற்றும் ஆண்கள் இருவருமே விண்ணப்பிக்கலாம், ஆனால் பெண்களுக்கு முன்னுரிமை அளிக்கப்படுகிறது).

• குடும்ப அட்டை: ரேஷன் கார்டில் உள்ள ஒருவருக்கு மட்டுமே இத்திட்டத்தில் பயன்பெற முடியும்.

• தகுதி நீக்கம்: விண்ணப்பதாரரின் குடும்பத்தில் யாரும் அரசு வேலையில் (Government Job) இருக்கக்கூடாது.

தேவையான ஆவணங்கள் (Documents Required)

விண்ணப்பிக்கச் செல்லும்போது கீழ்க்கண்ட ஆவணங்களைக் கையில் வைத்திருக்கவும்:

1. ஆதார் அட்டை (Aadhaar Card) – மொபைல் எண்ணுடன் கட்டாயம் இணைக்கப்பட்டிருக்க வேண்டும்.

2. ரேஷன் கார்டு (Ration Card) – குடும்ப உறுப்பினர்களின் விவரங்களைச் சரிபார்க்கக் கட்டாயம் தேவை.

3. வங்கிப் புத்தகம் (Bank Passbook) – மானியம் மற்றும் உதவித்தொகை பெறுவதற்கு.

4. மொபைல் எண்.

விண்ணப்பிப்பது எப்படி? 

இந்தத் திட்டத்திற்கு நீங்கள் தனிப்பட்ட முறையில் மொபைலில் விண்ணப்பிப்பதை விட, இ-சேவை மையங்களுக்குச் சென்று விண்ணப்பிப்பது  சிறந்தது.

1. உங்கள் வீட்டின் அருகில் உள்ள பொதுச் சேவை மையத்திற்கு (CSC Center) செல்லுங்கள்.

2. அங்கு “பிஎம் விஸ்வகர்மா” (PM Vishwakarma) திட்டத்தில் ‘தையல் கலைஞர்’ (Tailor – Darzi) பிரிவில் விண்ணப்பிக்க வேண்டும் என்று கூறுங்கள்.

3. உங்கள் ஆதார் எண் மற்றும் கைரேகை (Biometric) வைத்துப் பதிவு செய்வார்கள்.

4. உங்கள் விண்ணப்பம் முதலில் கிராம ஊராட்சி அளவிலும், பின்னர் மாவட்ட அளவிலும் சரிபார்க்கப்படும்.

5. தேர்வு செய்யப்பட்ட பிறகு, உங்களுக்குப் பயிற்சி எங்கே, எப்போது நடைபெறும் என்ற தகவல் மொபைலுக்கு வரும்.

6. பயிற்சி முடிந்தவுடன், சான்றிதழ் மற்றும் தையல் இயந்திரம் வாங்குவதற்கான ரூ.15,000 வழங்கப்படும்.

தமிழக அரசின் திட்டம் (State Scheme)

இதுதவிர, தமிழக அரசின் சமூக நலத்துறையின் கீழ் “சத்தியவாணி முத்து அம்மையார் நினைவு இலவச தையல் இயந்திரம் வழங்கும் திட்டம்” ஒன்றும் உள்ளது. இது விதவைகள், கணவரால் கைவிடப்பட்ட பெண்கள் மற்றும் மாற்றுத்திறனாளிகளுக்கு வழங்கப்படுகிறது. இதற்குத் தாலுகா அலுவலகத்தில் விண்ணப்பிக்கலாம்.

முக்கிய தகவல்:

சொந்தக் காலில் நிற்க நினைக்கும் பெண்களுக்கு இது ஒரு பொன்னான வாய்ப்பு. ரூ.15,000 என்பது சிறிய தொகை அல்ல; அது உங்கள் வாழ்க்கையையே மாற்றக்கூடிய ஒரு முதலீடு. இன்றே அருகில் உள்ள இ-சேவை மையத்திற்குச் சென்று விண்ணப்பியுங்கள்! இந்தத் தகவலை உங்கள் தோழிகளுக்கும் பகிருங்கள்.

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

For More Job Info:

• Visit Here