12th பாஸ் பண்ணிருந்தா போதும்! ரயில்வேயில் நிரந்தர வேலை - சம்பளம் ரூ.35,400! உடனே அப்ளை பண்ணுங்க || RRB Isolated Category Recruitment 2026

RRB Isolated Category Recruitment 2026: “ரயில்வே வேலை தான் என் கனவு, மத்திய அரசு வேலையில் சேர வேண்டும்” என்று லட்சியத்தோடு காத்திருக்கும் இளைஞர்களுக்கு ஒரு மிகச்சிறந்த வாய்ப்பு தேடி வந்துள்ளது.

இந்திய ரயில்வேத் துறையின் கீழ் செயல்படும் ரயில்வே ஆட்சேர்ப்பு வாரியம் (RRB), பல்வேறு தொழில்நுட்பம் மற்றும் தொழில்நுட்பம் சாராத பணியிடங்களை (Isolated Categories) நிரப்புவதற்கான அதிகாரப்பூர்வ அறிவிப்பை வெளியிட்டுள்ளது.

நாடு முழுவதும் மொத்தம் 312 காலியிடங்கள் நிரப்பப்பட உள்ளன. இதில் பள்ளிக்கல்வி முடித்தவர்கள் முதல், சட்டம் (Law), முதுகலை (PG) படித்தவர்கள் வரை அனைவருக்கும் வாய்ப்புகள் கொட்டிக் கிடக்கின்றன.

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

Whatsapp Group	Join
Telegram Channel	Join
Whatsapp Channel	Join

வரும் ஜனவரி 29-ம் தேதியுடன் இதற்கான கால அவகாசம் முடிவடைய உள்ளதால், தகுதியானவர்கள் விரைந்து விண்ணப்பிக்குமாறு கேட்டுக்கொள்ளப்படுகிறார்கள். இது குறித்த முழு விவரங்களை இங்கே விரிவாகக் காண்போம்.

யாரெல்லாம் விண்ணப்பிக்கலாம்?

இந்த அறிவிப்பில் பல வகையான பதவிகள் உள்ளன. உங்கள் கல்வித் தகுதிக்கு ஏற்ற வேலை எது என்பதை இங்கே படித்துத் தெரிந்து கொள்ளுங்கள்.

1. லேப் அசிஸ்டென்ட் (Lab Assistant Gr. III):

காலியிடங்கள்: 39.
தகுதி: பள்ளிப் படிப்பில் 12-ம் வகுப்பில் அறிவியல் பிரிவில் (Physics & Chemistry) தேர்ச்சி பெற்றிருந்தாலே போதும்.
சிறப்பு: கல்லூரி செல்லாதவர்கள் கூட மத்திய அரசு வேலையில் சேர இது ஒரு பொன்னான வாய்ப்பு.

2. ஜூனியர் டிரான்ஸ்லேட்டர் (Junior Translator – Hindi):

காலியிடங்கள்: 202 (மிக அதிக எண்ணிக்கையிலான காலியிடங்கள் இதில்தான் உள்ளன).
தகுதி: இந்தி அல்லது ஆங்கிலத்தில் முதுகலை பட்டம் (Master’s Degree) அல்லது அங்கீகரிக்கப்பட்ட டிப்ளமோ முடித்திருக்க வேண்டும்.
வாய்ப்பு: மொழிபெயர்ப்புத் துறையில் ஆர்வமுள்ளவர்களுக்கு இது ஒரு ஜாக்பாட்.

3. சீனியர் பப்ளிசிட்டி இன்ஸ்பெக்டர் (Senior Publicity Inspector):

காலியிடங்கள்: 15.
தகுதி: ஏதேனும் ஒரு டிகிரியுடன், பொதுத் தொடர்பு (Public Relations) அல்லது இதழியல் (Journalism) துறையில் டிப்ளமோ முடித்திருக்க வேண்டும்.

4. இதர பணியிடங்கள்:

சீஃப் லா அசிஸ்டென்ட் (Chief Law Assistant): சட்டம் (Law) படித்தவர்கள் மற்றும் பணி அனுபவம் உள்ளவர்கள் விண்ணப்பிக்கலாம். (22 இடங்கள்).
வெல்பேர் இன்ஸ்பெக்டர் (Staff and Welfare Inspector): ஏதேனும் ஒரு டிகிரியுடன், தொழிலாளர் நலம் அல்லது சமூக நலத்துறையில் டிப்ளமோ முடித்திருக்க வேண்டும். (24 இடங்கள்).

சம்பளம் மற்றும் வயது வரம்பு (Salary & Age Limit)

சம்பளம்: தேர்வு செய்யப்படும் நபர்களுக்குப் பதவிக்கு ஏற்றவாறு ரூ.19,900 முதல் ரூ.44,900 வரை அடிப்படைச் சம்பளம் வழங்கப்படும். இதனுடன் மத்திய அரசு ஊழியர்களுக்கான அகவிலைப்படி (DA), வீட்டு வாடகைப்படி (HRA) எனப் பல சலுகைகள் சேர்த்து, கைக்கு நிறைவான சம்பளம் கிடைக்கும்.
வயது வரம்பு: பொதுவாகக் குறைந்தபட்சம் 18 வயது பூர்த்தியடைந்திருக்க வேண்டும். அதிகபட்ச வயது 30 முதல் 40 வயது வரை (பணியைப் பொறுத்து மாறுபடும்). எஸ்சி/எஸ்டி மற்றும் ஒபிசி பிரிவினருக்கு வயது வரம்பில் அரசு விதிகளின்படி தளர்வுகள் உண்டு.

விண்ணப்பக் கட்டணம் & ரீஃபண்ட் (Fee Refund)

ரயில்வே தேர்வின் சிறப்பம்சமே, நீங்கள் கட்டும் பணம் திரும்பக் கிடைப்பதுதான்!

கட்டணம்: பொது மற்றும் ஒபிசி பிரிவினருக்கு ரூ.500. எஸ்சி, எஸ்டி, பெண்கள், மற்றும் மாற்றுத்திறனாளிகளுக்கு ரூ.250.
ரீஃபண்ட்: நீங்கள் கணினி வழித் தேர்வை (CBT) எழுதி முடித்த பிறகு, பொதுப் பிரிவினருக்கு ரூ.400-ம், மற்ற பிரிவினருக்கு முழுக் கட்டணமான ரூ.250-ம் உங்கள் வங்கிக் கணக்கிற்கே திருப்பி அனுப்பப்படும்.

தேர்வு முறை (Selection Process)

தகுதியானவர்கள் கீழ்க்கண்ட முறைகளில் தேர்வு செய்யப்படுவார்கள்:

கணினி வழித் தேர்வு (CBT): அனைத்து விண்ணப்பதாரர்களுக்கும் பொதுவான ஆன்லைன் தேர்வு.
திறன் தேர்வு (Skill Test): மொழிபெயர்ப்பு மற்றும் அந்தந்தத் துறை சார்ந்த திறனைச் சோதிக்கும் தேர்வு.
மருத்துவப் பரிசோதனை (Medical Test) & சான்றிதழ் சரிபார்ப்பு.

விண்ணப்பிப்பது எப்படி?

விண்ணப்பதாரர்கள் www.rrbchennai.gov.in அல்லது அந்தந்த மண்டல RRB இணையதளத்திற்குச் செல்லவும்.
ஆன்லைன் விண்ணப்பப் படிவத்தில் விவரங்களைப் பூர்த்தி செய்து, புகைப்படம் மற்றும் கையெழுத்தைப் பதிவேற்றவும்.
கடைசித் தேதி: 29.01.2026. (இன்னும் சில நாட்கள் மட்டுமே உள்ளன).