வங்கியைக் காட்டிலும் அதிக வட்டி! 2026-ம் ஆண்டிற்கான போஸ்ட் ஆபீஸ் சேமிப்புத் திட்டங்களின் முழு விவரம் இதோ! Post Office Saving Scheme Interest Rates 2026

Post Office Saving Scheme Interest Rates 2026: அதிக வட்டி மூலம் சேமிப்பு செய்ய நினைப்பவர்களுக்கு மத்திய அரசு இந்த ஆண்டின் தொடக்க காலாண்டிற்கான (ஜனவரி – மார்ச்) சிறு சேமிப்புத் திட்டங்களுக்கான வட்டி விகிதங்களை வெளியிட்டுள்ளது.

வங்கி ஃபிக்ஸட் டெபாசிட்டுகளில் வட்டி விகிதங்கள் அடிக்கடி மாற்றத்திற்கு உள்ளாகும் நிலையில், தபால் நிலைய சேமிப்புத் திட்டங்கள் பாதுகாப்பான மற்றும் நிலையான வருமானத்தை அளித்து வருகின்றன.

பொதுமக்கள் ஆவலுடன் எதிர்பார்த்துக் கொண்டிருந்த புதிய வட்டி விகிதங்கள் பற்றிய முக்கிய அறிவிப்பை இங்கே விரிவாகக் காண்போம்.

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

Whatsapp Group	Join
Telegram Channel	Join
Whatsapp Channel	Join

மகிழ்ச்சி தரும் வட்டி விகிதம்:

மத்திய நிதியமைச்சகம் வெளியிட்டுள்ள அறிவிப்பின்படி, கடந்த காலாண்டில் நடைமுறையில் இருந்த வட்டி விகிதங்களே இந்த ஆண்டும் (ஜனவரி முதல் மார்ச் வரை) தொடரும் என்று தெரிவிக்கப்பட்டுள்ளது.

வட்டி உயர்த்தப்படவில்லை என்றாலும், தற்போது வழங்கப்படும் வட்டி விகிதங்கள் பெரும்பாலான வங்கிகளை விட அதிகமாகவே உள்ளன என்பது குறிப்பிடத்தக்கது. குறிப்பாக மூத்த குடிமக்கள் மற்றும் பெண் குழந்தைகளுக்கான திட்டங்களில் கிடைக்கும் வட்டி விகிதம் மிகச் சிறப்பானதாக உள்ளது.

பெண் குழந்தைகளுக்கான பொன்னான திட்டம்

தபால் நிலையத் திட்டங்களிலேயே அதிகபட்ச வட்டி வழங்கும் திட்டம் என்றால் அது ‘செல்வமகள் சேமிப்புத் திட்டம்’ (Sukanya Samriddhi Yojana) தான். 10 வயதிற்குட்பட்ட பெண் குழந்தைகளுக்காகத் தொடங்கப்படும் இந்தத் திட்டத்திற்கு 8.2 சதவீதம் வட்டி வழங்கப்படுகிறது.

இத்திட்டத்தில் முதலீடு செய்யும் தொகை, கிடைக்கும் வட்டி மற்றும் முதிர்வுத் தொகை என அனைத்திற்குமே வரி விலக்கு உண்டு என்பது இதன் கூடுதல் சிறப்பாகும்.

மூத்த குடிமக்களுக்குக் கைகொடுக்கும் திட்டம்

ஓய்வுக்காலத்தில் பாதுகாப்பான வருமானம் தேடும் பெரியவர்களுக்கு ‘மூத்த குடிமக்கள் சேமிப்புத் திட்டம்’ (SCSS) ஒரு வரப்பிரசாதம். இந்தத் திட்டத்திற்கும் 8.2 சதவீதம் வட்டி வழங்கப்படுகிறது. இதில் முதலீடு செய்யும் பணத்திற்கு ஒவ்வொரு மூன்று மாதத்திற்கும் ஒருமுறை வட்டி உங்கள் வங்கிக் கணக்கிற்கே வந்துவிடும். அதிகபட்சமாக ரூ.30 லட்சம் வரை இதில் முதலீடு செய்யலாம்.

பணத்தை இரட்டிப்பாக்கும் கிசான் விகாஸ் பத்திரம்

உங்கள் பணம் பாதுகாப்பாக இரட்டிப்பாக வேண்டும் என்று நினைத்தால், ‘கிசான் விகாஸ் பத்திரம்’ (KVP) சிறந்த தேர்வாகும். இந்தத் திட்டத்திற்கு 7.5 சதவீதம் வட்டி வழங்கப்படுகிறது. இதில் நீங்கள் முதலீடு செய்யும் தொகையானது 115 மாதங்களில் (9 ஆண்டுகள் மற்றும் 7 மாதங்கள்) இரண்டு மடங்காகத் திருப்பிக் கிடைக்கும்.

வரி சேமிப்பிற்கான சிறந்த வழிகள்

நிதி ஆண்டு முடிவடைய இன்னும் சில மாதங்களே உள்ள நிலையில், வரிச் சலுகைக்காக முதலீடு செய்ய நினைப்பவர்களுக்குத் தேசிய சேமிப்புச் சான்றிதழ் (NSC) மற்றும் பொது வருங்கால வைப்பு நிதி (PPF) ஆகியவை சிறந்தவை.

NSC: இதற்கு 7.7 சதவீதம் வட்டி வழங்கப்படுகிறது. 5 ஆண்டுகாலத் திட்டமான இதில் முதலீடு செய்தால் 80C பிரிவின் கீழ் வரி விலக்கு பெறலாம்.
PPF: நீண்ட காலச் சேமிப்பான பிபிஎஃப் திட்டத்திற்கு 7.1 சதவீதம் வட்டி தொடர்ந்து வழங்கப்படுகிறது. இதுவும் முழு வரி விலக்கு பெற்ற திட்டமாகும்.

பெண்களுக்கான குறுகிய காலத் திட்டம்

பெண்கள் தங்கள் பெயரில் குறுகிய காலத்தில் முதலீடு செய்ய ‘மகிளா சம்மான் சேமிப்புச் சான்றிதழ்’ (Mahila Samman Savings Certificate) அறிமுகப்படுத்தப்பட்டுள்ளது. இரண்டு ஆண்டுகாலத் திட்டமான இதற்கு 7.5 சதவீதம் வட்டி வழங்கப்படுகிறது. பெண்கள் அதிகபட்சம் ரூ.2 லட்சம் வரை இதில் சேமிக்கலாம்.

மாதாந்திர வருமானம் வேண்டுமா?

கையில் இருக்கும் பணத்தை முதலீடு செய்துவிட்டு, மாதம் ஒரு தொகையைச் செலவுக்கு எதிர்பார்க்கிறீர்களா? அப்படியென்றால் தபால் நிலைய மாத வருமானத் திட்டம் (MIS) உங்களுக்கு ஏற்றது. இதற்கு 7.4 சதவீதம் வட்டி வழங்கப்படுகிறது.

100% பாதுகாப்பு உத்தரவாதம் திட்டம்

வங்கிகளில் முதலீடு செய்யும் பணத்திற்கு ரூ.5 லட்சம் வரை மட்டுமே இன்சூரன்ஸ் பாதுகாப்பு உண்டு. ஆனால், தபால் நிலையத்தில் நீங்கள் சேமிக்கும் ஒவ்வொரு ரூபாய்க்கும் மத்திய அரசின் இறையாண்மை உத்தரவாதம் (Sovereign Guarantee) உள்ளது. அதாவது உங்கள் பணம் 100 சதவீதம் பாதுகாப்பானது.

எனவே, பாதுகாப்பான முதலீடு மற்றும் நிலையான வருமானம் வேண்டும் என்று நினைப்பவர்கள், அருகிலுள்ள தபால் நிலையத்திற்குச் சென்று இந்தத் திட்டங்களில் ஒன்றைத் தேர்வு செய்து பயன்பெறுங்கள்.