வாக்காளர் பட்டியலில் பெயர் சேர்க்கணுமா? இன்று மிஸ் பண்ணிடாதீங்க! முழு விவரம் இதோ || TN Voter List Special Camp January 2026

TN Voter List Special Camp January 2026: “ஓட்டு போடுவது நம் ஜனநாயகக் கடமை” என்று தேர்தல் நேரத்தில் கூறுவதால் மட்டும் எந்த பயனும் இல்லை. அதற்கு முன்பாக, நம் பெயர் வாக்காளர் பட்டியலில் இருக்கிறதா என்பதை உறுதி செய்வதும், அப்படி இல்லாவிட்டால் பெயர் சேர்ப்பதும் ஒவ்வொரு குடிமகனின் முக்கியக் கடமையாகும்.

தமிழகம் முழுவதும் வாக்காளர் பட்டியல் திருத்தப் பணிகள் தீவிரமாக நடைபெற்று வரும் நிலையில், பொதுமக்களின் வசதிக்காக இந்த வார இறுதியில் அதாவது இன்று மற்றும் நாளை (சனி, ஞாயிறு) மாபெரும் சிறப்பு முகாம்கள் நடைபெறவுள்ளன.

சென்னை முதல் கன்னியாகுமரி வரை உள்ள அனைத்து மாவட்டங்களிலும் ஒரே நேரத்தில் நடைபெறும் இந்த முகாம் குறித்த முழுமையான விவரங்கள், தேவையான ஆவணங்கள் மற்றும் விண்ணப்பிக்கும் முறைகளை இங்கே விரிவாகக் காண்போம்.

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

Whatsapp Group	Join
Telegram Channel	Join
Whatsapp Channel	Join

எப்போது மற்றும் எங்கு நடைபெறுகிறது:

இந்தியத் தேர்தல் ஆணையத்தின் உத்தரவின்படி, தமிழகத்தின் அனைத்து சட்டமன்றத் தொகுதிகளிலும் உள்ள வாக்குச்சாவடி மையங்களில் இந்தச் பெயர் சேர்ப்பு மற்றும் திருத்த சிறப்பு முகாம் நடைபெறவுள்ளது.

நாட்கள்: ஜனவரி 10 (சனிக்கிழமை) மற்றும் ஜனவரி 11 (ஞாயிற்றுக்கிழமை).
நேரம்: காலை 9.30 மணி முதல் மாலை 5.30 மணி வரை.
இடம்: உங்கள் ஊரில் தேர்தல் நேரத்தில் ஓட்டு போடும் பள்ளி, கல்லூரி அல்லது சமுதாயக் கூடங்களிலேயே இந்த முகாம் நடைபெறும்.

யாருக்கெல்லாம் இந்த முகாம் அவசியம்?

பலரும் வாக்காளர் பெயர் சேர்ப்பு மற்றும் திருத்தம் “தேர்தல் வரும்போது பார்த்துக்கொள்ளலாம்” என்று நினைப்பார்கள். ஆனால், கடைசி நேரத்தில் பெயர் விடுபட்டிருந்தால் ஓட்டு போட முடியாது. எனவே, கீழ்க்கண்டவர்கள் கண்டிப்பாக இந்த முகாமைப் பயன்படுத்திக் கொள்ள வேண்டும்:

புதிய வாக்காளர்கள்: 01.01.2026 தேதியின்படி 18 வயது பூர்த்தியான இளைஞர்கள் மற்றும் இளம் பெண்கள், இதுவரை வாக்காளர் அட்டை இல்லாதவர்கள் புதிதாக விண்ணப்பிக்கலாம்.
ஊர் மாறியவர்கள்: வேலை நிமித்தமாகவோ அல்லது திருமணத்திற்குப் பிறகோ வேறு ஊருக்குக் குடிபெயர்ந்தவர்கள், பழைய முகவரியிலிருந்து புதிய முகவரிக்கு வாக்காளர் அட்டையை மாற்றிக்கொள்ளலாம்.
திருத்தம் (Correction): வாக்காளர் அட்டையில் பெயர், தந்தை பெயர், பிறந்த தேதி அல்லது புகைப்படம் தவறாக இருந்தால் திருத்தம் செய்யலாம்.
பெயர் நீக்கம்: வீட்டில் யாரேனும் இறந்துவிட்டாலோ அல்லது நிரந்தரமாக வேறிடத்திற்குக் குடிபெயர்ந்துவிட்டாலோ அவர்கள் பெயரைப் பட்டியிலிருந்து நீக்கலாம்.

எந்த படிவத்தைப் பயன்படுத்த வேண்டும்?

முகாமிற்குச் செல்லும்போது சரியான படிவத்தைக் கேட்டுப் பெறுவது அவசியம்.

படிவம் 6 (Form 6): புதிதாக வாக்காளர் பட்டியலில் பெயர் சேர்க்க.
படிவம் 6A (Form 6A): வெளிநாடு வாழ் இந்தியர்கள் (NRI) பெயர் சேர்க்க.
படிவம் 7 (Form 7): பட்டியலில் உள்ள ஒருவரின் பெயரை நீக்க (Death/Shifted).
படிவம் 8 (Form 8): முகவரி மாற்றம், பெயர் திருத்தம், புதிய பிளாஸ்டிக் கார்டு (EPIC) பெற மற்றும் மாற்றுத்திறனாளிகள் விவரத்தைப் பதிவு செய்ய.

தேவையான ஆவணங்கள் (Documents Required)

முகாமிற்குச் செல்லும்போது மறக்காமல் கீழ்க்கண்ட ஆவணங்களின் நகல்களை (Xerox) எடுத்துச் செல்லுங்கள்:

பாஸ்போர்ட் அளவு புகைப்படம் ஒன்று .
வயதுச் சான்று (பிறப்புச் சான்றிதழ் / பள்ளி மாற்றுச் சான்றிதழ் / மதிப்பெண் பட்டியல்).
முகவரிச் சான்று (ஆதார் அட்டை / ரேஷன் கார்டு / வங்கிப் புத்தகம் / கேஸ் பில்).

ஆன்லைனில் விண்ணப்பிக்கும் முறை:

வார இறுதியில் வெளியூர் செல்கிறீர்கள் அல்லது முகாமிற்கு நேரில் செல்ல முடியவில்லை என்றால் கவலை வேண்டாம். உங்கள் ஸ்மார்ட்போன் மூலமாகவே 5 நிமிடத்தில் ஆன்லைனில் விண்ணப்பிக்கலாம்.

இணையதளம்: voters.eci.gov.in
செயலி: Voter Helpline App (கூகுள் பிளே ஸ்டோரில் பதிவிறக்கம் செய்யலாம்).

கவனத்தில் கொள்ள வேண்டியது:

வாக்காளர் பட்டியலில் பெயர் சேர்ப்பதற்கான விண்ணப்பங்கள் பெறப்படும் கடைசி நாள் ஜனவரி 18. அதன் பிறகு வரும் விண்ணப்பங்கள் அடுத்த முறை தான் பரிசீலிக்கப்படும்.

எனவே, இன்றைய விடுமுறை நாளை வீணாக்காமல், உங்கள் குடும்பத்தினர் மற்றும் நண்பர்களின் பெயர்கள் பட்டியலில் இருப்பதை உறுதி செய்துகொள்ளுங்கள். ஜனநாயகக் கடமையை ஆற்றுவதற்கு முதல் படியை இன்றே எடுத்து வையுங்கள்!