சென்ட்ரல் பேங்க் ஆஃப் இந்தியாவில் 4,500 அப்ரண்டிஸ் காலியிடங்கள்! டிகிரி முடித்தவர்கள் உடனே விண்ணப்பியுங்கள்! Central Bank of India Recruitment 2026

Central Bank of India Recruitment 2026: இந்தியாவின் முன்னணி பொதுத்துறை வங்கிகளில் ஒன்றான சென்ட்ரல் பேங்க் ஆஃப் இந்தியா (Central Bank of India) நாடு முழுவதும் உள்ள தனது கிளைகளில் காலியாக உள்ள அப்ரண்டிஸ் (Apprentice) பணியிடங்களை நிரப்புவதற்கான புதிய வேலைவாய்ப்பு அறிவிப்பை வெளியிட்டுள்ளது. வங்கித் துறையில் பயிற்சி பெற்றுத் தங்களது கரியரைத் தொடங்க விரும்பும் பட்டதாரி இளைஞர்களுக்கு இது ஒரு பொன்னான வாய்ப்பாகும்.

இந்த அறிவிப்பின்படி, இந்தியா முழுவதும் மொத்தம் 4,500 காலியிடங்கள் ஒதுக்கப்பட்டுள்ளன. இதில் தமிழகத்திற்கு மட்டும் 202 பணியிடங்கள் அறிவிக்கப்பட்டுள்ளன. தகுதியுடைய விண்ணப்பதாரர்கள் வரும் ஜூன் 22, 2026-க்குள் ஆன்லைன் வாயிலாக விண்ணப்பிக்க வேண்டும்.

கல்வித் தகுதி மற்றும் ஊதிய விபரங்கள்

கல்வித் தகுதி: விண்ணப்பதாரர்கள் ஏதேனும் ஒரு துறையில் இளங்கலை பட்டப்படிப்பு (Any Degree) முடித்திருக்க வேண்டும். முக்கியமாக, பட்டப்படிப்பை 01.01.2022 அன்று அல்லது அதற்குப் பிறகு முடித்தவர்கள் மட்டுமே விண்ணப்பிக்கத் தகுதியுடையவர்கள்.
மாத ஊதியம் (Stipend): தேர்வு செய்யப்படும் அப்ரண்டிஸ்களுக்கு மாதம் ரூ. 15,000/- உதவித்தொகையாக வழங்கப்படும்.

வயது வரம்பு மற்றும் தளர்வுகள்

விண்ணப்பதாரர்கள் 20 முதல் 28 வயதிற்குள் இருக்க வேண்டும். மத்திய அரசு விதிகளின்படி குறிப்பிட்ட பிரிவினருக்கு அதிகபட்ச வயது வரம்பில் தளர்வுகள் பின்வருமாறு அளிக்கப்படும்:

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

Whatsapp Group	Join
Telegram Channel	Join
Whatsapp Channel	Join

SC / ST பிரிவினர்: 5 ஆண்டுகள்
OBC பிரிவினர்: 3 ஆண்டுகள்
PwBD (பொது / EWS): 10 ஆண்டுகள்
PwBD (SC / ST): 15 ஆண்டுகள்
PwBD (OBC): 13 ஆண்டுகள்

விண்ணப்பக் கட்டணம்

General / EWS / OBC (ஆண்கள்): ரூ. 800/-
General / EWS / OBC (பெண்கள்): ரூ. 600/-
SC / ST / PwBD / திருநங்கைகள்: ரூ. 200/-

தேர்வு செய்யும் முறை (Selection Process)

விண்ணப்பதாரர்கள் பின்வரும் இரண்டு நிலைகளில் தேர்வு செய்யப்படுவார்கள்:

ஆன்லைன் தேர்வு (Online Examination): 60 நிமிடங்கள் நடைபெறும் இத்தேர்வில் 100 கொள்குறி வகை வினாக்கள் கேட்கப்படும். இதில் பொது விழிப்புணர்வு, கணிதம், கணினி அறிவு, ஆங்கிலம் மற்றும் வங்கி சேவைகள் குறித்த கேள்விகள் இடம்பெறும். முக்கியமாக, தவறான பதில்களுக்கு எதிர்மறை மதிப்பெண்கள் (Negative Marks) கிடையாது.
உள்ளூர் மொழித் திறன் தேர்வு (Local Language Test): ஆன்லைன் தேர்வில் தேர்ச்சி பெறுபவர்கள் அந்தந்த மாநிலத்தின் உள்ளூர் மொழியில் தேர்ச்சி பெற வேண்டும். இருப்பினும், 10 அல்லது 12-ஆம் வகுப்பில் அந்த மொழியை ஒரு பாடமாகப் படித்தவர்களுக்கு இந்தத் தேர்விலிருந்து விலக்கு அளிக்கப்படும்.

விண்ணப்பிக்கும் முறை – எளிய படிநிலைகள்

தகுதியும் விருப்பமும் உள்ள விண்ணப்பதாரர்கள் கீழே உள்ள படிகளைப் பின்பற்றி ஆன்லைனில் விண்ணப்பிக்கலாம்:

சென்ட்ரல் பேங்க் ஆஃப் இந்தியாவின் அதிகாரப்பூர்வ இணையதளமான https://centralbank.bank.in/en/recruitments பக்கத்திற்குச் செல்லவும்.
அப்ரண்டிஸ் பணிக்கான அறிவிப்பைத் தரவிறக்கம் செய்து தகுதிகளை உறுதிப்படுத்திக் கொள்ளவும்.
“Apply Online” லிங்கைப் பயன்படுத்தி தேவையான விவரங்களைப் பூர்த்தி செய்யவும்.
நிர்ணயிக்கப்பட்ட விண்ணப்பக் கட்டணத்தைச் செலுத்தி, விண்ணப்பத்தைச் சமர்ப்பிக்கவும்.
எதிர்காலப் பயன்பாட்டிற்காக விண்ணப்பப் படிவத்தைப் பதிவிறக்கம் செய்து வைத்துக் கொள்ளவும்.