தமிழக அரசு வழக்காடல் துறையில் வேலைவாய்ப்பு! ஓட்டுநர் பணிக்கு விண்ணப்பங்கள் வரவேற்பு - தேர்வு கிடையாது! Tamil Nadu Litigation Department Recruitment 2026

Tamil Nadu Litigation Department Recruitment 2026: தமிழக அரசின் வழக்காடல் துறையில் காலியாக உள்ள ஓட்டுநர் பணியிடங்களை நிரப்புவதற்கான புதிய அறிவிப்பு வெளியிடப்பட்டுள்ளது. தகுதியும், ஓட்டுநர் உரிமமும் உள்ள நபர்கள் இந்த அரசுப் பணியைப் பெற ஒரு சிறந்த வாய்ப்பு கிடைத்துள்ளது.

பணியின் விவரங்கள் மற்றும் சம்பளம்

தமிழ்நாடு வழக்காடல் துறையில் மொத்தம் 05 ஓட்டுநர் (Driver) பணியிடங்கள் காலியாக உள்ளன. இந்தப் பணிக்குத் தேர்வு செய்யப்படுபவர்களுக்கு மாதம் ₹19,500 முதல் ₹71,900 வரை மிகச்சிறந்த ஊதியம் வழங்கப்படும்.

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

Whatsapp Group	Join
Telegram Channel	Join
Whatsapp Channel	Join

கல்வி மற்றும் ஓட்டுநர் தகுதி

கல்வித் தகுதி: விண்ணப்பதாரர்கள் குறைந்தபட்சம் எட்டாம் வகுப்பு (8th Standard) தேர்ச்சி பெற்றிருக்க வேண்டும்.
ஓட்டுநர் தகுதி: செல்லுபடியாகும் இலகுரக வாகன ஓட்டுநர் உரிமம் (LMV Driving License) வைத்திருக்க வேண்டும்.
அனுபவம்: ஓட்டுநராகக் குறைந்தது 5 ஆண்டுகள் அனுபவம் இருப்பது அவசியமாகும்.

வயது வரம்பு விவரங்கள்

விண்ணப்பதாரர்கள் 18 வயது பூர்த்தி அடைந்திருக்க வேண்டும். அதிகபட்ச வயது வரம்பு பின்வருமாறு:

பொதுப் பிரிவு (OC): 32 வயது வரை.
BC / MBC பிரிவினர்: 34 வயது வரை.
SC / ST பிரிவினர்: 37 வயது வரை.

விண்ணப்பிக்கும் முறை (Offline Only)

இந்த வேலைக்குத் தகுதியானவர்கள் அஞ்சல் வழியாக மட்டுமே விண்ணப்பிக்க முடியும்.

அதிகாரப்பூர்வ அறிவிப்பில் உள்ள விண்ணப்பப் படிவத்தைப் பதிவிறக்கம் செய்து பூர்த்தி செய்யவும்.
பூர்த்தி செய்யப்பட்ட விண்ணப்பத்துடன் கல்விச் சான்றிதழ், ஓட்டுநர் உரிமம் மற்றும் அனுபவச் சான்றிதழ் நகல்களை இணைக்கவும்.
விண்ணப்பத்துடன் உங்களின் சுய முகவரி எழுதப்பட்ட, ₹70 அஞ்சல் வில்லை ஒட்டப்பட்ட அஞ்சல் உறையை (Envelope) இணைக்க வேண்டும்.

விண்ணப்பங்களை அனுப்ப வேண்டிய முகவரி: The Advocate General of Tamil Nadu, High Court, Chennai – 600104.

முக்கிய தேதிகள் மற்றும் தேர்வு முறை

விண்ணப்பிக்கத் தொடங்கிய நாள்: 07.02.2026
விண்ணப்பிக்கக் கடைசி நாள்: 16.02.2026 (மாலை 5.45 மணி வரை)
தேர்வு முறை: தகுதியுள்ள விண்ணப்பதாரர்களுக்கு எவ்வித எழுத்துத் தேர்வும் கிடையாது; நேர்காணல் (Interview) மூலம் மட்டுமே பணி வழங்கப்பட உள்ளது.

தமிழக அரசின் இதுபோன்ற உடனடி வேலைவாய்ப்புச் செய்திகளைத் தெரிந்துகொள்ள எங்களது இணையதளத்தைத் தொடர்ந்து பின்தொடருங்கள்.