டெல்லி உயர் நீதிமன்றத்தில் வேலை! மாதம் ₹35,400 முதல் சம்பளம் – பட்டதாரிகள் உடனே விண்ணப்பியுங்கள்!

Delhi High Court Recruitment 2026: மத்திய அரசுப் பணியில் சேர விரும்பும் பட்டதாரிகளுக்கு ஒரு அறிய வாய்ப்பு கிடைத்துள்ளது. டெல்லி உயர் நீதிமன்றத்தில் காலியாக உள்ள 152 ஜூனியர் ஜூடிசியல் அசிஸ்டண்ட் (Junior Judicial Assistant / Restorer) பணியிடங்களை நிரப்புவதற்கான புதிய அறிவிப்பு வெளியாகியுள்ளது. தகுதியும் ஆர்வமும் உள்ள விண்ணப்பதாரர்கள் ஆன்லைன் மூலம் விண்ணப்பிக்கலாம்.

பணியின் விவரங்கள் மற்றும் சம்பளம்

டெல்லி உயர் நீதிமன்றத்தின் இந்த அறிவிப்பின்படி, மொத்தம் 152 காலியிடங்கள் ஒதுக்கப்பட்டுள்ளன. இந்தப் பணிக்குத் தேர்வு செய்யப்படும் நபர்களுக்கு மாதம் ₹35,400 முதல் ₹1,12,400 வரை சிறப்பான ஊதியம் வழங்கப்படும். இது மத்திய அரசுப் பணி என்பதால், கூடுதல் சலுகைகளும் உண்டு.

கல்வித் தகுதி மற்றும் வயது வரம்பு

விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பை (Any Degree) முடித்திருக்க வேண்டும். மேலும், கணினியில் நிமிடத்திற்கு 35 வார்த்தைகளுக்குக் குறையாமல் தட்டச்சு செய்யும் திறன் (Typing Speed 35 wpm) பெற்றிருக்க வேண்டும்.

வயது வரம்பைப் பொறுத்தவரை, 23.02.2026 அன்று 18 வயது பூர்த்தி அடைந்தவராகவும் 32 வயதுக்கு மிகாதவராகவும் இருக்க வேண்டும். எஸ்சி/எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் வயது வரம்பில் தளர்வு அளிக்கப்படும்.

தேர்வு செய்யப்படும் முறை

இந்த உயர் நீதிமன்றப் பணிக்குத் தகுதியானவர்களைத் தேர்வு செய்ய நான்கு கட்ட தேர்வுகள் நடத்தப்படும்:

1. முதல்நிலைத் தேர்வு (Preliminary Exam): கணினி வழி கொள்குறி வகை தேர்வு (CBT).

2. முதன்மைத் தேர்வு (Main Exam): விளக்கமான வினாக்கள் கொண்ட தேர்வு (Descriptive).

3. தட்டச்சுத் தேர்வு (Typing Test): ஆங்கில தட்டச்சுத் திறன் சோதனை.

4. நேர்காணல் (Interview): இறுதி கட்ட நேர்காணல்.

விண்ணப்பக் கட்டணம் மற்றும் முக்கிய தேதிகள்

இந்தத் தேர்வுக்கு விண்ணப்பிக்க எஸ்சி/எஸ்டி பிரிவினர் ₹1300 கட்டணமாகச் செலுத்த வேண்டும். மற்ற அனைத்துப் பிரிவினரும் ₹1500 விண்ணப்பக் கட்டணமாகச் செலுத்த வேண்டும்.

• விண்ணப்பிக்க ஆரம்ப தேதி: 04.02.2026

• விண்ணப்பிக்க கடைசி தேதி: 23.02.2026

விண்ணப்பிக்கும் முறை

தகுதியுள்ள விண்ணப்பதாரர்கள் டெல்லி உயர் நீதிமன்றத்தின் அதிகாரப்பூர்வ இணையதளமான delhihighcourt.nic.in மூலம் ஆன்லைனில் விண்ணப்பிக்கலாம். விண்ணப்பிப்பதற்கு முன்பாக அதிகாரப்பூர்வ அறிவிப்பை முழுமையாகப் படித்துத் தகுதிகளை உறுதிப்படுத்திக் கொள்ளுமாறு அறிவுறுத்தப்படுகிறார்கள்.

மத்திய மற்றும் மாநில அரசு வேலைவாய்ப்புச் செய்திகளை உடனுக்குடன் தெரிந்துகொள்ள எங்களது இணையதளத்தைத் தொடர்ந்து பின்தொடருங்கள்.

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

Official Notification: 

• Notification Here
  

Apply Link:   

• Visit Here

For More Info:

• Visit Here