தமிழக அரசின் இலவச லேப்டாப் வாங்க ஆன்லைனில் அப்ளை பண்ணனுமா? முழு விவரம் இதோ || TN Govt Free Laptop Scheme Apply 2026

TN Govt Free Laptop Scheme Apply 2026: “இலவச லேப்டாப் எப்போ கொடுப்பீங்க?” என்று நீண்ட நாட்களாகக் காத்திருந்த கல்லூரி மாணவர்களுக்கு ஒரு சூப்பரான குட் நியூஸ்! தமிழக அரசு மீண்டும் இலவச மடிக்கணினி வழங்கும் திட்டத்தை “உலகம் உங்கள் கையில்” (Ulagam Ungal Kaiyil) என்ற பெயரில் பிரம்மாண்டமாகத் தொடங்கியுள்ளது.

கடந்த ஜனவரி 5-ம் தேதி, முதலமைச்சர் மு.க.ஸ்டாலின் அவர்கள் இத்திட்டத்தைத் தொடங்கி வைத்தார். முதல் கட்டமாக 10 லட்சம் மாணவர்களுக்கு லேப்டாப் வழங்கப்பட உள்ளது. இது குறித்த தகுதிகள், சிறப்பம்சங்கள் மற்றும் விண்ணப்பிக்கும் முறை பற்றி இங்கே விரிவாகக் காண்போம்.

யாருக்கெல்லாம் லேப்டாப் கிடைக்கும்? 

முன்பு பள்ளி மாணவர்களுக்கு வழங்கப்பட்டது போலல்லாமல், இம்முறை கல்லூரி மாணவர்களுக்கு மட்டுமே முன்னுரிமை அளிக்கப்படுகிறது.

• தகுதி: அரசு மற்றும் அரசு உதவி பெறும் கல்லூரிகளில் (Government & Aided Colleges) பயிலும் மாணவர்கள்.

• படிப்புகள்: பொறியியல் (Engineering), கலை மற்றும் அறிவியல் (Arts & Science), பாலிடெக்னிக், ஐடிஐ (ITI), மருத்துவம், சட்டம் மற்றும் விவசாயக் கல்லூரிகள்.

• ஆண்டு: தற்போது இறுதியாண்டு (Final Year) படிக்கும் மாணவர்களுக்கு முதற்கட்டமாக வழங்கப்படும்.

• மொத்த இலக்கு: அடுத்த 2 ஆண்டுகளில் சுமார் 20 லட்சம் மாணவர்களுக்கு லேப்டாப் வழங்கத் திட்டமிடப்பட்டுள்ளது.

தனியார் கல்லூரி (Private College) மாணவர்களுக்கு:

பொதுவாகத் தனியார் கல்லூரி (Private College) மாணவர்களுக்கு தற்போது இந்த இலவச லேப்டாப் திட்டம் பொருந்தாது. இருப்பினும், இதில் ஒரு முக்கியமான விதிவிலக்கு (Exception) உள்ளது.

யாரெல்லாம் தனியார் கல்லூரியில் இருந்தாலும் லேப்டாப் பெறலாம்?

நீங்கள் தனியார் கல்லூரியில் படித்தாலும், கீழ்க்கண்ட பிரிவில் சீட் பெற்றிருந்தால் உங்களுக்கு லேப்டாப் கிடைக்க அதிக வாய்ப்புள்ளது:

1. 7.5% இட ஒதுக்கீடு (7.5% Govt School Quota): நீங்கள் 6 முதல் 12-ம் வகுப்பு வரை அரசுப் பள்ளியில் படித்து, 7.5% இட ஒதுக்கீட்டின் கீழ் தனியார் பொறியியல் அல்லது மருத்துவக் கல்லூரியில் சேர்ந்திருந்தால், நீங்கள் இந்தத் திட்டத்திற்குத் தகுதியானவர் என்று தகவல்கள் தெரிவிக்கின்றன.

2. அரசு உதவி பெறும் கல்லூரிகள் (Govt Aided Colleges): நீங்கள் தனியார் நிர்வாகத்தால் நடத்தப்படும் ‘Aided College’-ல் ‘Aided Course’ (அரசு உதவி பெறும் பிரிவு) படித்துக் கொண்டிருந்தால் நீங்கள் தகுதியுடையவர். (குறிப்பு: அதே கல்லூரியில் ‘Self-Supporting’ எனப்படும் சுயநிதிப் பிரிவில் படித்தால் இத்திட்டம் பொருந்தாது).

லேப்டாப் சிறப்பம்சங்கள் (High-End Specs)

சும்மா பேருக்கு லேப்டாப் கொடுக்காமல், இன்ஜினியரிங் மாணவர்கள் கூட பயன்படுத்தும் வகையில் உயர்தரமான லேப்டாப்கள் வழங்கப்படுகின்றன.

• பிராண்டுகள்: ஹெச்பி (HP), டெல் (Dell), மற்றும் ஏசர் (Acer).

• வேகம்: Intel Core i3 அல்லது AMD Ryzen 3 பிராசஸர்.

• நினைவகம்: 8 GB RAM மற்றும் 256 GB SSD (இதனால் லேப்டாப் செம ஃபாஸ்ட்டாக இருக்கும்).

• மென்பொருள்: விண்டோஸ் 11 (Windows 11 Home) மற்றும் ஒரிஜினல் எம்.எஸ் ஆபீஸ் (MS Office 365).

• கூடுதல் வசதி: செயற்கை நுண்ணறிவுத் திறனை வளர்க்க 6 மாதங்களுக்கு இலவச ‘Perplexity Pro’ AI சந்தா.

விண்ணப்பிப்பது எப்படி? (How to Apply)

“சார், இதுக்கு ஆன்லைன்ல அப்ளை பண்ணனுமா?” என்று நீங்கள் கேட்பது புரிகிறது.

• விண்ணப்பம் தேவையில்லை: மாணவர்கள் இதற்காகத் தனியாக இ-சேவை மையத்திலோ அல்லது ஆன்லைனிலோ விண்ணப்பிக்கத் தேவையில்லை.

• கல்லூரியே பொறுப்பு: நீங்கள் படிக்கும் கல்லூரிகளே தகுதியான மாணவர்களின் பட்டியலைத் தயார் செய்து அரசுக்கு அனுப்பிவிடும்.

• விநியோகம்: பிப்ரவரி 2026 இறுதிக்குள் முதற்கட்டமாக 10 லட்சம் மாணவர்களுக்கும் லேப்டாப் வழங்கப்பட்டுவிடும் என்று தெரிவிக்கப்பட்டுள்ளது.

மாணவர்களுக்கு ஒரு வேண்டுகோள்

இந்தத் திட்டத்தைத் தொடங்கி வைத்துப் பேசிய முதல்வர், “இது வெறும் இலவசம் அல்ல; உங்கள் எதிர்காலத்திற்கான முதலீடு. இதை வைத்துப் படித்து, உலகை ஆளுங்கள்” என்று கூறியுள்ளார். எனவே, கேம் விளையாடாமல் படிப்பிற்குப் பயன்படுத்திக்கொள்ளுங்கள்.

உங்கள் கல்லூரியில் இது குறித்த அறிவிப்பு வந்ததா என்று உங்கள் பேராசிரியரிடம் கேட்டுத் தெரிந்துகொள்ளுங்கள்!

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

For More Job Info:

• Visit Here