பள்ளி மாணவர்களுக்கு ரூ.10,000 உதவித்தொகை! இன்றே கடைசி தேதி - மிஸ் பண்ணிடாதீங்க || TN Talent Search Exam Scholarship 2026

TN Talent Search Exam Scholarship 2026: தமிழகத்தில் அரசுப் பள்ளிகளில் படிக்கும் மாணவர்களின் உயர்கல்விச் செலவை அரசே ஏற்கும் வகையில், முதலமைச்சர் மு.க.ஸ்டாலின் அவர்கள் கொண்டு வந்த மிகச்சிறந்த திட்டம் தான் ‘முதலமைச்சர் திறனாய்வுத் தேர்வு’ (CM Talent Search Exam) ஆகும்.

இந்தத் திட்டத்தின் கீழ் மாதம் ரூ.1,000 வீதம் ஆண்டுக்கு ரூ.10,000 உதவித்தொகை பெற விண்ணப்பிக்க இன்றே (ஜனவரி 6) கடைசி நாளாகும். 10-ம் வகுப்பு மாணவர்கள் இந்த வாய்ப்பை நழுவ விடாதீர்கள்!

திட்டத்தின் சிறப்பம்சங்கள் என்ன?

ஏழை எளிய மாணவர்களின் படிப்புப் பணத்தினால் தடைபடக்கூடாது என்பதற்காக ‘முதலமைச்சர் திறனாய்வுத் தேர்வு’ திட்டம் செயல்படுத்தப்படுகிறது.

இந்த அறிவிப்பு பற்றிய தகவல் நமது Whatsapp Group, Telegram Channelஇல் பகிரப்படும். நமது Whatsapp, Telegram குழுவில் இணைய.

Whatsapp Group	Join
Telegram Channel	Join
Whatsapp Channel	Join

உதவித்தொகை: இத்தேர்வில் வெற்றி பெறும் 1,000 மாணவர்களுக்கு (500 மாணவர்கள் + 500 மாணவிகள்) ஒரு கல்வி ஆண்டிற்கு ரூ.10,000 உதவித்தொகை வழங்கப்படும்.
எவ்வளவு காலம்?: 10-ம் வகுப்பில் வெற்றி பெற்றால் போதும், நீங்கள் பள்ளிப்படிப்பை முடித்து இளங்கலைப் பட்டம் (Degree) முடிக்கும் வரை இந்தத் தொகை தொடர்ந்து வழங்கப்படும்.

யாரெல்லாம் விண்ணப்பிக்கலாம்?

அரசுப் பள்ளிகளில் நடப்பு கல்வியாண்டில் (2025-26) தமிழ்நாடு மாநிலப் பாடத்திட்டத்தின் கீழ் 10-ம் வகுப்பு படிக்கும் மாணவர்கள் மட்டுமே இதில் விண்ணப்பிக்க முடியும்.
மெட்ரிக் மற்றும் தனியார் பள்ளி மாணவர்களுக்கு இந்த வாய்ப்பு கிடையாது.

தேர்வு எப்போது? பாடத்திட்டம் என்ன?

தேர்வு தேதி: வரும் ஜனவரி 31, 2026 (சனிக்கிழமை) அன்று மாநிலம் முழுவதும் தேர்வு நடைபெறும்.
பாடத்திட்டம்: 9-ம் வகுப்பு மற்றும் 10-ம் வகுப்புப் பாடப்புத்தகங்களில் உள்ள கணிதம், அறிவியல் மற்றும் சமூக அறிவியல் பாடங்களில் இருந்து கொள்குறி வகை (Objective Type) வினாக்கள் கேட்கப்படும். இரண்டு தாள்களாகத் தேர்வு நடைபெறும்.

விண்ணப்பிக்கும் முறை:

மாணவர்கள் உடனே தங்கள் பள்ளித் தலைமையாசிரியரைத் தொடர்பு கொள்ள வேண்டும்.
www.dge.tn.gov.in என்ற இணையதளத்தில் உள்ள விண்ணப்பத்தைப் பூர்த்தி செய்து, தேர்வுக் கட்டணமாக ரூ.50 உடன் பள்ளியில் ஒப்படைக்க வேண்டும்.
தலைமையாசிரியர்கள் அந்த விவரங்களை EMIS தளம் மூலம் ஆன்லைனில் பதிவேற்றம் செய்வார்கள்.

கடைசி வாய்ப்பு!

ஏற்கனவே விண்ணப்பிக்கக் கால அவகாசம் வழங்கப்பட்டிருந்த நிலையில், மாணவர்களின் நலன் கருதி இன்றைய தினம் (ஜனவரி 6, செவ்வாய்க்கிழமை) வரை தேதி நீட்டிக்கப்பட்டுள்ளது.

எனவே, 10-ம் வகுப்பு மாணவர்கள் மறக்காமல் இன்றே விண்ணப்பித்து, உங்கள் கல்லூரிப் படிப்பிற்கான ஸ்காலர்ஷிப் தொகையை இப்போதே உறுதி செய்து கொள்ளுங்கள்! வாழ்த்துகள்.